വേദന കുറയ്ക്കുന്നതിനുള്ള പ്രാഥമിക  ചികിത്സകളും തുടർന്ന് 
തരുണാസ്ഥികളുടെ പുനരുജ്ജീവനത്തിനുള്ള ചികിത്സകളും ആണ്  ഇവിടെ ചെയ്യുന്നത്. ആധുനിക വൈദ്യ ശാസ്ത്രത്തിൽ ഇപ്പോൾ സെല്ലുകളുടെ പുനരുത്പാദന ശേഷി ഉപയോഗിച്ച് പല അവയവങ്ങളും പുനരുജ്ജീവന ചികിത്സകൾ നടത്തുന്നുണ്ട്. അസ്ഥി രോഗ ചികിത്സയിലെ കാർട്ടിലേജുകൾ അതിൽ പെട്ട ഒന്നാണ്.

​

ജോയിന്റ് കാർട്ടിലേജുകളിൽ ചെറിയ മൈക്രോ ദ്വാരങ്ങൾ ഇടുന്ന മൈക്രോ ഡ്രില്ലിങ് ഇതിനു ഉദാഹരണം ആണ്. ചികിത്സ ഏതു വേണം എന്നത് രോഗിയുടെ പ്രായവും തേയ്മാനത്തിന്റെ രൂക്ഷതയും പുനരുജ്ജീവന ശേഷിയും അനുസരിച്ചു  തീരുമാനിക്കണം. എല്ലാവര്ക്കും ഒരേ ചികിത്സ അല്ല. ഒരാളുടെ തന്നെ രണ്ടു മുട്ടുകൾക്കും വേറെ വേറെ ചികിത്സ  ആവും ചിലപ്പോൾ വേണ്ടി വരിക.

​

മുട്ടിലെ കാർട്ടിലേജു വളരാൻ മരുന്നുകൾക്ക് റോൾ ഒന്നുമില്ല . മറ്റു ജീവികളില് നിന്നും കാർട്ടിലേജു എടുത്ത് അരച്ച് പൊടി ആക്കി കഴിച്ചാൽ മനുഷ്യന് കാർട്ടിലേജു വളരില്ല . കാൽസ്യം , വിറ്റാമിൻ  ഡി ഒക്കെ അമിതമായി കഴിച്ചതുകൊണ്ടു കാർട്ടിലേജു വളരില്ല.

മുട്ട് വേദനയ്ക്ക് വേദനാ സംഹാരികൾ കഴിച്ചു ശീലമായവർ ശ്രദ്ധിക്കേണ്ടതുണ്ട് . കിഡ്‌നി രോഗങ്ങൾക്ക് പുറമെ ഹൃദ്രോഗ സാധ്യതയും ഈ മരുന്നുകളിൽ ഉണ്ട്.