​
​

ചികിത്സാ കാലയളവ് 

ഈ പ്രോഗ്രാമിന് ഏകദേശം മൂന്നു മുതൽ അഞ്ചു മാസം വരെ നീളുന്ന കാലയളവിൽ ആവർത്തിച്ചുള്ള ആശുപത്രിവാസം ആവശ്യമാണ്. മൊത്തം ഇൻപേഷ്യന്റ് കാലയളവ് ശരാശരി 35 ദിവസമായിരിക്കും, ഇത്  ഘട്ടങ്ങളായി വിഭജിച്ചിരിക്കുന്നു.

​

രോഗി യുടെ ഉത്തരവാദിത്തങ്ങൾ 
1.  
സാധാരണ ചികിത്സ എന്ന് വച്ചാൽ ഡോക്ടറെ കണ്ട മരുന്ന് കുറിപ്പടി വാങ്ങി മെഡിക്കൽ ഷോപ്പിൽ പോയി മരുന്ന് വാങ്ങി വീട്ടിൽ പോയി മരുന്ന് കഴിച്ചു രോഗം മാറ്റുക എന്നതാണ്. ചില രോഗങ്ങൾ ( ഉദാഹരണം ട്യൂബെർക്കുലോസിസ് ) ദീർഘ കാലം മരുന്നു കഴിക്കേണ്ടി വരും എങ്കിലും മാസങ്ങൾക്കുള്ളിൽ  മരുന്ന് ചികിത്സ അവസാനിക്കും. ഫൈബ്രോമയാൾജിയ രോഗത്തിനു   ചികിത്സകൾ വഴി പൂർണ്ണ നിയന്ത്രണം ലഭിച്ചാലും വീണ്ടും രോഗം തിരികെ വരാതെ ഇരിക്കാൻ കൃത്യമായ ചിട്ടകൾ ജീവിതത്തിൽ പാലിക്കേണ്ടതുണ്ട്. ആഹാരം ഒക്കെ നിയന്ത്രിക്കേണ്ടി വരും , മറ്റു ജീവിത ശൈലീ മാറ്റങ്ങൾ വേണ്ടി വരും. ആഹാരനിയന്ത്രണം ഒക്കെ സങ്കീർണ്ണമായേക്കാം. ( സാധാരണ കരുതുമ്പോലെ നോൺ  വേജ് കുറയ്ക്കുക, യോഗ ചെയ്യുക , രാവിലെ നടക്കാൻ പോകുക , കരിച്ചതും പൊരിച്ചതും ഒഴിവാക്കുക തുടങ്ങിയ മാറ്റങ്ങൾക്ക് ഒന്നും ഇതിൽ റോളില്ല)

​അതുകൊണ്ടു തന്നെ ചിട്ടകൾ തുടരാൻ പറ്റാത്തവർക്ക് ഇത്തരം ചികിത്സകൾ സാധിക്കില്ല.

​

2.
സമയം ആവശ്യമാണ് - സമയം മാറ്റി വയ്ക്കാൻ  ഇല്ലാത്തവർക്ക് ഇത് ചെയ്യാൻ പറ്റില്ല . 
പലരുടെയും ജീവിതത്തിൽ ഓരോ  മിനിറ്റും ഫൈബ്രോ കാരണം വേദന ഉണ്ടാകും, ക്ഷീണം ഉണ്ടാകും, മറ്റു അസഹനീയമായ പ്രശ്നങ്ങൾ ഉണ്ടാകും  എങ്കിലും രോഗം മാറാൻ സമയം മാറ്റി വയ്ക്കാൻ പലർക്കും സാധിക്കില്ല. 35 ദിവസം പലപ്പോഴായി അഡ്മിറ്റ് ആകേണ്ടി വരും. ജീവിതകാലം മൊത്തം ചിട്ടകൾ പാലിക്കേണ്ടി വരും . അതിനു സമയവും ദൃഢ നിശ്ചയവും ഉണ്ടെങ്കിൽ മാത്രം ചികിത്‌സയ്‌ക്കു വരിക.

ഫൈബ്രോമയാള്ജിയ രോഗത്തിൽ മറ്റു രോഗങ്ങളെ അപേക്ഷിച്ചു  ശരീരത്തിന്റെ മൊത്തം മസിലുകൾ ഡാമേജ് ആയിട്ടുണ്ടാകും . അതുകൊണ്ടു തന്നെ രോഗത്തിന്റെ ചികിത്സയിൽ സമയം ആവശ്യമായ ഘടകം ആണ് , എല്ലാ മസിലുകളും നോർമൽ ആയി വരാൻ സമയം എടുക്കും. കൈയ്യിലെ , കാലിലെ  ഏറ്റവും ചെറിയ മസിലുകൾ ആണ് ആദ്യം രോഗമുക്തം  ആകുക , പിന്നെ തോളിലെ, ഇടുപ്പിലെ മസിലുകൾ വേദന ഇല്ലാതെയാകും . ഏറ്റവും അവസാനം വേദന ഇല്ലാതെയാകുക തോളിന്റെ പിറകിൽ ചെസ്റ്റിന്റെ പിറകിൽ ഉള്ള മസിലുകൾക്കാണ്.

​
3
കഠിനമായ മൂഡ് സ്വിങ്സ് പ്രശ്നങ്ങൾ  ഉള്ളവർക്ക്  ചികിത്സ ചെയ്യുമ്പോൾ ഇതിനിടയിൽ വരുന്ന മൂഡ് സ്വിങ്സ് മൂലം ചികിത്സ യിൽ പ്രശ്നങ്ങൾ ഉണ്ടാകാറുണ്ട്.  അങ്ങനെയുള്ളവർ ഒരു മെന്റർ / സഹായിയെ കൂടി കൂടെ കൂട്ടുന്നത് നല്ലതായിരിക്കും.  ചികിത്സ എടുത്ത രോഗികളിൽ ചിലർ  നിങ്ങൾക്ക് മെന്റർ/ സപ്പോർട്ടർ  ആയി നിൽക്കാൻ തയ്യാറുണ്ടെങ്കിൽ അവരെ കൂടെ കൂട്ടാവുന്നതാണ്.

​
4.
മസിലുകൾക്ക്  വ്യായാമം  ആവശ്യമാണ്. രോഗം നിയന്ത്രിച്ചു കഴിഞ്ഞാൽ കൃത്യമായ വ്യായാമം നിര്ബന്ധമാണ് . ഇതിൽ വീട്ടിൽ നിന്നുമുള്ള വ്യായാമങ്ങൾ അല്ലെങ്കിൽ ജിമ്മിൽ പോയി ഉള്ള വ്യായാമങ്ങൾ ഒക്കെ ചിട്ടയോട് കൂടി ചെയ്യണം. വേദന പൂർണ്ണമായി മാറുമ്പോൾ  മാസങ്ങൾക്കുള്ളിൽ ചിട്ടകൾ കൈവിട്ടു പോകരുത് .

​​

​

സാമ്പത്തിക  നയം

ഫൈബ്രോമയാൾജിയ ബാധിച്ച എല്ലാ രോഗികൾക്കും ചികിത്സ ലഭ്യമാക്കുക എന്നതാണ് ഞങ്ങളുടെ പ്രതിബദ്ധത. കുറഞ്ഞ വരുമാനമുള്ളതായി സ്ഥിരീകരിക്കുന്ന രോഗികൾക്ക് ഈ ചികിത്സ 100% സൗജന്യമായി നൽകുന്നു. ദീർഘകാല ബുദ്ധിമുട്ടുകൾക്ക്  കാരണമാകുന്ന രോഗാവസ്ഥകളിൽ ചികിത്സ സാമ്പത്തിക ശേഷിയാൽ പരിമിതപ്പെടുത്തരുത് എന്നതാണ് ഞങ്ങളുടെ നിലപാട്. കേരളത്തിൽ / ഇന്ത്യയിൽ നിലവിൽ ഈ ചികിത്സാ സംവിധാനം വേറെ ആശുപത്രികളിൽ, സർക്കാർ സംവിധാനങ്ങളിൽ  ലഭ്യമല്ലാത്തിടത്തോളം കാലം സൗജന്യ ചികിത്സ ഞങ്ങളുടെ സാമൂഹിക ബാധ്യത കൂടിയാണ്. 

​​​

 
​എങ്ങനെ ചികിത്സ ആരംഭിക്കാം ?
ആദ്യം കൃത്യമായ രോഗനിർണയനം  നടത്തുക . മുൻപ് ഏതെങ്കിലും ചികിത്സാ കേന്ദ്രത്തിൽ നിന്ന് ഫൈബ്രോമയാൾജിയ ആണെന്ന ഡയഗ്നോസിസ് ലഭിച്ചിട്ടുണ്ടെങ്കിൽ നല്ലത് .

അടുത്ത ഘട്ടം: അതിനു  ശേഷം  ആശുപത്രിയിൽ വന്നു ചികിത്സാ ടീമുമായി സംസാരിക്കുകയും നിങ്ങളുടെ രോഗത്തിന് എത്ര കാലയളവ് ചികിത്സ വേണ്ടി വരും എന്നതിന് ധാരണ ഉണ്ടാക്കുക.

 

ആദ്യത്തെ കൺസൾട്ടേഷനിൽ വ്യക്തത വരുത്തുന്ന കാര്യങ്ങൾ 

നിങ്ങൾക്ക് രോഗം ഫൈബ്രോമയാള്ജിയ ആണെന്ന് സ്ഥിരീകരിക്കേണ്ടതുണ്ട് . കുറേ രോഗികളിൽ രോഗം ഫൈബ്രോമയാള്ജിയ ആണെങ്കിലും അത് ആരും കണ്ടെത്തിയിട്ടുണ്ടാകില്ല. നടുവേദനയ്ക്കും തോൾ വേദനയ്ക്കും ഒക്കെ നിരന്തരംചികിത്സ നടത്തി കൊണ്ടിരിക്കും.

കുറെപ്പേർക്ക് മസിൽ വേദനകൾക് ഫൈബ്രോ ആണെന്ന് പേര് കിട്ടാറുണ്ട്.  അതും പരിശോധിച്ച് ഉറപ്പു വരുത്തേണ്ടതുണ്ട്. മറ്റു രോഗങ്ങളുടെ സ്ക്രീനിംഗ് - മസിലുകളെ ബാധിക്കുന്ന മറ്റു രോഗങ്ങൾ ( മയോസൈറ്റിസ് പോലെയുള്ളവ ) ഉണ്ടോ എന്ന് നോക്കൽ  ആവശ്യമായേക്കാം .

ആശുപത്രിവാസത്തിന്റെ ഏകദേശ ഷെഡ്യൂൾ തീരുമാനിക്കൽ.

ചെലവുകൾ - ( സൗജന്യ ചികിത്സാ പരിഗണന ഉൾപ്പെടെ) നിശ്ചയിക്കൽ 

 

​

WhatsApp or Call 9995893366 for Booking and details.